Lisa S.擊退姣蕾 吳彥祖玩厭返新竇

今 年 7 月 吳 彥 祖 單 拖 到 台 灣 拍 《 如 夢 》 期 間 ， 被 影 到 相 約 林 熙 蕾 食 醉 雞 兼 在 街 頭 勾 手 指 。 兩 人 仲 hea 街 坊 裝 ， 好 熟 ！

裝 修 工 人 離 開 新 屋 後 ， Lisa 就 帶 埋 愛 犬 ， 跟 吳 彥 祖 及 男 友 助 手 到 附 近 的 坑 口 村 食 晚 飯 ， 然 後 雙 雙 返 新 竇 休 息 。

靚 仔 自 然 多 女 吼 ， 33 歲 的 靚 仔 型 男 吳 彥 祖 （ Daniel ） 同 名 模 女 友 Lisa S. 拍 拖 6 年 ， 其 間 不 斷 傳 出 餓 女 介 入 ， 先 傳 楊 千 嬅 拍 《 新 紮 師 妹 》 時 狂 追 Daniel 、 再 傳 章 子 怡 拍 《 夜 宴 》 時 自 動 獻 身 ； 最 近 更 爆 出 Daniel 跟 緋 聞 舊 愛 林 熙 蕾 未 斷 尾 在 台 灣 撐 腳 ， Lisa 的 「 正 印 」 地 位 岌 岌 可 危 。
之 不 過 玩 得 多 都 會 ， 原 本 在 紐 約 拍 戲 的 吳 彥 祖 上 星 期 六 突 然 返 港 短 留 幾 日 ， 跟 Lisa 搬 入 市 值 三 千 多 萬 的 新 竇 ， 而 「 身 經 百 戰 」 的 Lisa 更 在 新 愛 巢 自 出 自 入 宣 示 主 權 。 「 姣 蕾 」 想 硬 撬 吳 彥 祖 似 乎 仍 未 夠 班 。

急 搬 新 竇
為 安 撫 女 友 ， 吳 彥 祖 專 程 由 紐 約 飛 返 香 港 陪 女 友 收 拾 細 軟 搬 去 面 積 3 千 呎 兩 層 高 獨 立 屋 ， 逗 留 幾 日 又 要 飛 返 紐 約 繼 續 拍 歌 舞 片 《 如 夢 》 ， 新 愛 巢 布 置 簡 潔 ， 大 廳 更 有 高 至 天 花 的 書 架 ， 晒 鍾 意 睇 書 的 吳 彥 祖 。

露 台 放 狗
新 居 地 下 為 車 房 ， 大 廳 則 在 一 樓 ， 上 週 六 （ 11 日 ） Lisa 搬 入 市 值 三 千 五 百 萬 獨 立 屋 新 居 後 ， 更 在 露 台 閒 情 放 狗 ， 住 靚 樓 又 留 住 個 心 愛 男 友 ， 心 情 都 靚 晒 。

狐 狸 行 開
入 行 10 年 吳 彥 祖 同 Lisa S. 拍 拖 6 年 ， 先 後 傳 過 楊 千 嬅 、 周 迅 及 林 熙 蕾 想 硬 撬 吳 彥 祖 ， 不 過 今 年 3 月 Lisa 以 女 主 人 身 份 飛 到 上 海 為 男 友 有 份 投 資 酒 吧 主 持 開 幕 禮 ， 力 證 「 正 印 」 地 位 不 變 。

多 女 圍 的 吳 彥 祖 ， 為 拍 台 灣 歌 舞 片 《 如 夢 》 ， 而 要 上 海 、 台 灣 、 紐 約 三 地 飛 ， 更 有 三 個 月 未 見 過 女 友 Lisa S. 。 上 週 六 （ 11 日 ） Lisa 出 席 活 動 時 就 掛 住 男 友 掛 到 出 口 ， 「 我 就 快 掛 死 佢 啦 ， 今 次 係 第 一 次 大 家 分 開 咁 耐 。 」

暗 箍 男 友
話 明 五 年 內 嫁 硬 吳 彥 祖 的 Lisa S. 已 廿 九 歲 ， 一 直 對 吳 彥 祖 投 以 百 分 百 信 心 ， 即 使 三 個 月 前 Daniel 隻 身 到 台 灣 拍 戲 期 間 ， 被 影 到 跟 33C 性 感 女 神 林 熙 蕾 歎 醉 雞 ， 離 開 餐 廳 時 二 人 仲 手 指 勾 手 指 ， Lisa S. 亦 一 直 扮 大 方 話 唔 介 意 。 上 星 期 六 （ 11 日 ） Lisa 出 席 活 動 時 仍 然 話 信 晒 Daniel ： 「 Kelly （ 林 熙 蕾 ） 係 我 兩 個 好 朋 友 ， 已 經 識 好 多 年 ， 我 好 信 任 Daniel … … 我 已 經 認 定 對 方 係 結 婚 對 象 。 」 口 話 唔 介 意 ， 事 實 Lisa S. 暗 箍 男 友 ： 「 最 近 打 多 畀 對 方 ， 起 碼 日 日 都 會 通 電 話 ， 清 楚 佢 做 緊 咩 ， 每 個 月 都 傾 幾 千 蚊 長 途 電 話 費 。 」

大 屋 Lisa
女 人 最 忌 男 人 多 心 。 為 向 Lisa 派 定 心 丸 ， 上 星 期 六 Daniel 突 然 由 紐 約 返 港 ， 和 Lisa 搬 到 他 上 年 以 二 千 八 百 萬 買 入 、 位 於 西 貢 的 「 滿 湖 花 園 」 獨 立 屋 ， 等 Lisa 住 好 。 上 週 六 （ 11 日 ） 下 午 ， 吳 彥 祖 先 行 跟 助 手 及 霆 鋒 助 手 阿 輝 到 新 屋 執 拾 ， 直 至 下 午 5 時 半 ， Lisa S. 便 駕 她 的 豐 田 環 保 車 殺 入 新 愛 巢 。 四 個 人 在 新 屋 內 執 拾 一 輪 後 ， 直 至 晚 上 9 時 半 ， 吳 彥 祖 便 駕 其 豐 田 座 駕 ， 偕 Lisa S. 及 助 手 到 附 近 的 坑 口 村 醫 肚 ， Lisa S. 仲 帶 埋 愛 犬 傍 實 男 友 。 晚 上 10 時 半 吃 過 晚 飯 後 再 返 回 新 居 休 息 。

結 婚 無 期
雖 然 搬 入 新 愛 巢 ， 但 提 到 結 婚 ， 問 到 二 人 都 夾 晒 口 供 話 未 有 計 劃 。 本 週 一 （ 13 日 ） 下 午 ， Daniel 同 助 手 離 開 新 居 時 ， 就 講 明 暫 時 未 有 結 婚 打 算 。

F ： 《 FACE 》 　 吳 ： 吳 彥 祖
F ： 搬 新 屋 係 咪 準 備 同 Lisa 結 婚 ？
吳 ： 唔 係 ， 只 係 想 換 個 好 環 境 。
F ： Lisa 話 想 5 年 內 結 婚 。
吳 ： （ 口 窒 窒 ） … … 冇 呢 個 計 劃 喎 。
F ： 新 樓 業 主 只 有 你 個 名 ， 會 唔 會 層 樓 加 番 Lisa 個 名 上 去 呀 ？
吳 ： … … （ 隨 即 上 車 離 開 。 ）
留 得 住 靚 仔 男 友 ， 但 就 綁 唔 住 佢 金 。 要 人 財 兩 得 ， 睇 Lisa S. 真 係 要 再 加 多 兩 錢 肉 緊 喇 。

Blog 爆 迫 遷
原 跟 女 友 租 住 西 半 山 干 德 道 明 珠 台 3 年 吳 彥 祖 ， 原 本 打 算 買 入 滿 湖 花 園 作 投 資 放 租 ， 但 上 個 月 佢 自 己 網 站 http://www.alivenotdead.com 以 「 討 厭 的 鄰 居 」 為 題 開 blog ， 大 呻 因 受 麻 煩 鄰 居 騷 擾 ， 所 以 會 在 兩 個 月 內 搬 新 屋 。 睇 若 非 呢 位 麻 煩 鄰 居 ， 單 靠 Lisa 的 力 量 都 幾 難 掂 吳 彥 祖 搬 新 竇 ， Lisa 真 係 應 該 請 呢 位 舊 鄰 居 飲 茶 喇 。

Lisa S. 恨 嫁 無 用
跟 吳 彥 祖 拍 拖 6 年 的 Lisa S. 上 年 曾 公 開 表 示 希 望 5 年 內 結 婚 ， 但 隨 吳 彥 祖 冇 乜 聲 氣 ， Lisa 認 命 改 口 風 話 唔 恨 嫁 。

07 年 3 月 ︰ 「 我 可 能 5 年 後 結 婚 … … 我 都 想 生 BB ， 但 一 定 唔 會 做 未 婚 媽 媽 。 」
08 年 9 月 ︰ 「 我 同 Daniel 拍 拖 咁 多 年 ， 同 結 婚 冇 分 別 ， 不 過 我 唔 介 意 生 BB 之 後 先 考 慮 結 婚 。 」

扮 老 友
今 年 7 月 吳 彥 祖 爆 出 同 林 熙 蕾 密 會 後 ， 事 隔 一 個 月 ， Lisa S. 跟 林 熙 蕾 Paul & Shark 秋 冬 時 裝 騷 撞 到 正 。 二 人 即 上 前 互 攬 做 番 場 大 龍 鳳 ， Lisa 接 受 訪 問 時 仲 話 ： 「 Daniel is still mine ！ （ 吳 彥 祖 仍 是 我 的 ） 」 ， 擺 明 畀 說 話 林 熙 蕾 聽 。

無 名 無 份
百 足 咁 多 爪 吳 彥 祖 自 言 有 份 投 資 Monster 壽 司 店 （ 圖 ） 、 桌 球 酒 吧 Racks 等 ， 本 刊 查 核 兩 鋪 的 商 業 登 記 並 無 發 現 他 任 股 東 ， 其 女 友 Lisa S. 更 加 冇 份 ； 至 於 吳 彥 祖 購 入 的 物 業 亦 都 唔 預 Lisa S. 。 好 聽 就 叫 兩 人 經 濟 獨 立 ， 成 日 斤 斤 計 較 的 港 女 真 係 要 學 Lisa 喇 。

靚 屋 冇 份
由 拍 拖 初 期 講 明 5 年 婚 期 ， 到 最 近 表 示 「 一 張 婚 書 唔 代 表 甚 麼 」 ， Lisa S. 與 吳 彥 祖 沒 有 任 何 聯 名 物 業 或 投 資 ， 即 使 市 值 3 千 5 百 萬 的 新 竇 亦 由 吳 彥 祖 以 公 司 名 義 「 Art Full Limited 」 去 年 以 2 千 8 百 萬 購 入 ， Lisa 完 全 冇 份 。